| 請大家互相通告！你有可能收到一張帶有稱為「送你一只玫瑰花」的圖片文件。 如果你收到它，在任何環境下都不要打開它，且立即刪除它。 如果你打開了它，你的屏幕上將會跳出一條消息：「現在為時已晚，你的生活將不再美」。 隨之而來，你會失去個人電腦上的一切東西，而那個發信給你的人將獲得你的姓名、電子郵件和密碼。 這是一個新的病毒，我們需要盡一切可能來阻止這種病毒。 美國已經確認了它的危險性，而殺毒軟件不能清除它。 是一位自稱'生命擁有者'的黑客制造的。他的目標是摧毀個人電腦。 請copy 這封信給你認識的社群 |
緊急 通告
我呢個地盤又再封哂塵，又再返嚟清掃一下，就算我個主要地盤都已經唔係日日都有嘢講，可况呢度呢，如果有興趣可以過去探訪一下我嘅部屋嘅。
nemo 嘅部屋 http://hompy.now.com.hk/id/nemo881/
本來咪話想揾啲歌仔做背景音樂，但係唔知點做。後來個網友教我係要將條 "link" 摆上去，但係我覺得要摆自已啲歌都係好複雜，所以冇摆到落嚟，噚日無端端又俾我揾到條捷徑放歌落去。平日我絕少上<百度>聽歌，所以唔知道有咁嘅用途，原來每隻歌都有條 link 嘅，我真係唔知呢件事。事關大陸啲網出左名多毒綱，入佢哋度 click 啲連結分分鐘病毒上腦，等同上外國一啲色情綱站，原來係黑客偽裝，我初玩上網時曾經中過招，所以再唔上啲無厘頭纲站。講返 百度 呢個纲站我都唔係百份百信佢，所以絕少上去下載佢啲歌，我用 Foxy 揾歌多。
咁噚日喺電腦個 bookmark 度見到上手機主留低嘅 links 有百度喺度，既然上手機主都信佢，我就 click 入去睇下，見到原來每隻歌都有條 link 嘅，啱哂我用，於是今日大家就有歌聽嘞！
BGM:刘德华 韩红 和梦一起飞
早兩日話唔知點樣放歌仔入呢度，有個網友話我知係擺條 〝拎〞上去，我都知道係 〝拎〞，但係，係乜〝拎〞呀？喺邊樹揾呀？蠢蠢地都要問吓人，不恥下問嘛，唔識又要死撐咪盞自己蝕底，個網友回左個訊息俾我，收到收到！等我試點〝拎〞隻歌仔落呢度先，唉！點解要〝拎〞，唔可以〝噏嘮〞呢？我開始熟習使用呢度，但距離揮灑自如重有一段長路，以前唔用呢度就係因為懶，唔想擺時間嚟嘗試，而家就要挑戰自己，睇下有幾能耐。
好，等我試下〝拎〞隻歌先.......但係我嗰便啲歌又俾我鏟走，要重新〝撈〞返入去個檔案，今曰再冇乜時間，等我有閒心再講。
By the Way,thanks beetejuice !
我個人就係死唔順氣，無可能俾人難倒我，但係真係俾 新浪 blog 搞到我陀陀拎，今日剩係搞條 side bar 都搞左我半粒鐘，但係終於摸到個方程式，原來係要咁...再咁....又要咁就可以咁喇！初初搞嚟搞去，明明搞左又唔見左，明明排好個次序又唔啱，真係乜Ｑ星星魚蝦蟹都出埋，不過原係冇用嘅，叫自己冷靜冷靜，諗返求先做過乜，終於勉勉強強都可以接受住先，呢個網都要慢慢修建，不過諗返起，當日喺 我個主 blog 度都係學左一輪先有依家咁熟練，我諗如果我肯擺多啲時間去 try ，我理想中嘅佈局應該會出現呢個 blog 卦！
